85 sitios nos que atopar App educativas

No Blog Crea y aprende con Laura, podemos atopar unha listaxe de lugares nos que buscar App de uso educativo.

Clases de informática

Estes días comezamos coas clases de informática por parte do Equipo TIC do colexio.

En Primaria, o obxectivo é fornecer ao alumnado das ferramentas necesarias para que se poidan desenvolver con soltura no uso das Novas Tecnoloxías aplicadas á educación: partes dun ordenador,  Linux, LibreOffice, ler e escribir, debuxar, crear presentacións…

En Infantil, traballamos coas tablets. Como tarefa, imos crear monstruíños. A través de diversas aplicacións, xogaremos coas figuras xeométricas, aumentando a dificultade sesión a sesión,  ata que ao final sexan capaces de crear eles mesmos os seus propios personaxes.

Gañadores Recuncho Tic mes de maio

RESPOSTAS AO CONCURSO DE MAIO; SEGURIDADE EN INTERNET

1. Por unha pegatina ou apagala
2. Pedirlle permiso ao meu compañeiro
3. Avisar aos meus pais
4. Non aceptalo ou rexeitalo  
5. Non darllos ou non contestarlle
6. Preguntar a alguén que entenda ou pechar
7. Non darlla ou non contestarlle
8. Non

CONCURSO TIC

GAÑADORES ABRIL

Naiara – 4ºA

Carlos – 4ºA

Davinia – 4ºA

Ainara – 4ºB

Candela – 4ºB

Marta Cristina – 5ºA

Lucía Iglesias – 5ºB

Saray – 5ºB

Claudia – 6ºB

Ainhoa Pérez – 6ºB

Iria Iglesias – 6ºB

Lucía – 6ºB

Belén Fernández – 6ºB

Flavia Pellón – 6ºB

Elena Paz - 6ºB

Consellos para usar a rede con seguridade

Lecturas interactivas

Textos para traballar a comprensión lectora para todas as idades, con preguntas interactivas que nos van indicando se a resposta é correcta ou non.

Casting robot ALE

Actividades de lectura, escritura, vocabulario, ortografía, ciencias....

Actividades para traballar as horas

Experimento social: secuestro de nenos ou nenas

A continuación poderedes ver un experimento social sobre o secuestro de nenos ou nenas. É aplicable a todos os ámbitos da vida diaria, por iso queremos que nos sirva de exemplo á hora de tomar as medidas precisas para que os nosos fillos naveguen con seguridade na rede, evitando así que caian en enganos ou se comuniquen con persoas que non coñecen.

Dende o Equipo de Novas Tecnoloxías, sacamos o concurso do mes de maio en relación a este tema. Tentamos que o noso alumnado sexa consciente dos perigos que pode atopar en internet e de que, ademais, faga un uso responsable das redes sociais.

Está nas mans de todos educar na responsabilidade, no respecto e no bo uso das novas tecnoloxías.

Gañadores do Recuncho TIC do mes de abril

Os gañadores do Recuncho TIC do mes de abril son:

Belén Fernández Rodriguez – 6ºB

Elena Paz Illán- 6ºB

Flavia Pellón Torres – 6ºB

Iria Iglesias – 6ºB

Pablo Míguez – 6ºB

Claudia García Salgado – 6ºB

Lara LópezVieitez – 6ºB

Ainhoa Pérez Covelo – 6ºB

Chantal – 6ºC

Lucía – 6ºC

As respostas correctas son:

1. Youtube

2. Arroba

3. Google Chrome

4. RSS

5.Twitter

6. Blogger

7. Google+

8. Facebook

Noraboa!!!!!Animádevos a seguir participando.

Matific, actividades matemáticas online

Matific é unha plataforma que nos proporciona actividades online de matemáticas para todos os cursos, dende Infantil ata Primaria.

Tamén nos dá a posibilidade de descargar a App para Android ou para iPad.

Pasapalabra Primaria

Pasapalabra de Primaria no que podemos atopar contidos de diferentes materias.

Pasapalabra Infantil

Lectura circular

A lectura circular é unha actividade lúdica pensada para desenvolver as habilidades lectoras dos usuarios a partir da exercitación de procesos atencionais, perceptivos, fonolóxicos e lingüísticos.

Matemáticas simpáticas

Matemáticas divertidas, con diferentes niveis de dificultade.

Pancho y su máquina de hacer cuentos

Con este programa podedes crear contos on-line co voso alumnado seguindo estes sinxelos pasos:

• Elixir un escenario.
• Engadir personaxes e música.
• Escribir a historia.

O Rato Paco

O Rato Paco é unha páxina de recursos educativos do CEIP de Palmeira.

Nesta páxina podemos atopar cadernos de traballo agrupados por áreas e ciclos, ademais de un apartado especial para a Educación Infantil e outro para os Contos do Rato Paco.

Clicade na imaxe para acceder ao recurso.

Envía arquivos de ata 2 GB con Wetransfer

Wetransfer é unha ferramenta gratuíta que nos permite enviar arquivos de ata 2 GB de capacidade.

Non hai que rexistrarse, só hai que seguir estes 5 sinxelos pasos:

1. Subir o arquivo.
2. Poñer o e-mail do destinatario.
3. Poñer o teu e-mail.
4. Escribir un comentario.
5. Pinchar en transferencia.

Pinchar na imaxe para acceder á páxina.

Presentacións con Prezi

Prezi é unha ferramenta innnovadora que che permite axudar a organizar e compartir as túas presentacións dun xeito moi visual.

Clicando na imaxe podedes acceder á páxina principal. Temos que rexistrarnos de xeito gratuíto para poder comezar a traballar.

Un exemplo.

Cómic Roberto Vidal Bolaño creado con Pixton

Crea comics on-line con Pixton

Pixton é unha ferramenta que nos permite crear cómics empregando gran variedade de fondos, personaxes, obxectos decorativos...

Pixton tamén nos permite subir as nosas propias imaxes e modificalas engadindo bocadillos.

Para comezar a empregar Pixton temos que rexistrarnos. Unha vez que xa temos conta podemos comezar a traballar dende a páxina "crear".

Clicar na imaxe para acceder ao recurso.

Crear nubes con Wordle

Tal e como eles se definen, Wordle é un xoguete para xerar "nubes de palabras" do texto que nós mesmo lle proporcionamos.

Proxecto #Guappis

O Proxecto #Guappis é unha ferramenta para traballar na aula a través das aplicacións para móbiles e tablets.

É un traballo colaborativo levado a cabo por diferentes profesionais do mundo da educación, entre os que se atopan especialistas en distintas materias e en distintas etapas educativas.

Os obxectivos que pretenden acadar coa implantación e difusión deste proxecto son:

• Incorporar os dispositivos móbiles aos procesos de ensino-aprendizaxe.
• Mellorar a comprensión e a expresión tanto oral coma escrita do alumnado.
• Aprender a empregar algunhas ferrametas que nos axudarán a xestionar a aula como docentes.
• Fomentar a creatividade do alumnado.
• Traballar as diferentes competencias básicas a través de ferramentas e aplicacións que se poden empregar nas diversas áreas curriculares.
• Traballar aspectos do currículo oculto como a autonomía e a autoestima do alumnado.
• Potenciar a participación e a interacción entre o alumnado.

Podedes consultar o seu blog no seguinte enderezo: http://proyectoguappis.blogspot.com.es/ 

Banco de recursos do INTEF

O banco de recursos do INTEF (dependente do Ministerio de Educación), ofrécenos unha gran selección de fotografías, ilustracións, sons... que podemos empregar nas nosas aulas de xeito gratuíto e legal.

Para acceder á páxina do INTEF pinchade na fotografía.

Organizar os favoritos: Symbaloo

Symbaloo é unha ferramenta que nos permite crear un escritorio virtual e, así, poder acceder aos nosos favoritos en calquera ordenador.

Para acceder a Symbaloo por primeira vez, require que nos rexistremos de xeito gratuíto. Funciona coma unha conta de correo electrónico, creando unha conta de usuario e contrasinal.

Para ir á páxina oficial de Symbaloo pinchade na fotografía.

Para ver exemplos de Symbaloo creadas por docentes e con aplicacón na aula, pinchade nos debuxos.

•  Sobre dragóns para infantil.

•  Sobre prehistoria.

• Sobre xogos e recursos musicais.

lectura